उभ्या ट्रॅक्टरवर आयशर धडकले,बेराला फाट्याजवळ या अपघातात एक जागीच ठार, तिघे गंभीर.
चिखली,प्रतिनिधी :- रस्त्यावर उभ्या ट्रॅक्टरला आयशर धडकून ट्रॅक्टरवरील एक जण जागीच ठार झाला तर तिघे गंभीर जखमी झाले आहेत. हा अपघात चिखली- जालना रस्त्यावरील बेराला फाट्याजवळ आज, 3 जून रोजी दुपारी साडेबाराच्या सुमारास घडला.सतीश जाधव (35, रा. वसंतनगर, ता. चिखली) असे अपघातात ठार झालेल्या युवकाचे नाव असून, राहुल चव्हाण (25), गोपाळ राठोड (22), गोपाल चव्हाण (22 सर्व रा. वसंतनगर ता. चिखली) अशी गंभीर जखमी झालेल्यांची नावे आहेत. सध्या रस्त्याचे काम सुरू असताना त्यासाठीच हे ट्रॅक्टर (क्र. एमएच 28, बी 6197) रस्त्याच्या कडेला उभे होते. त्याचवेळी भरधाव आलेल्या आयशरने (क्र. एमएच 05, डीके 9671) या ट्रॅक्टरला जोरात धडक दिली. धडक इतकी भीषण होती की, धडक दिल्यानंतर आयशर लांब शेतात जाऊन पडले तर ट्रॅक्टरचीही तीच गत होती. ठार झालेला आणि गंभीर जखमी झालेले युवक ट्रॅक्टरवर बसलेले होते, असे प्रत्यक्षदर्शींनी सांगितले. अपघातामुळे काही काळ वाहतूक खोळंबली होती. जखमींना तातडीने रुग्णालयात हलविण्या कामी पोलिसांना नागरिकांनी सहकार्य केले.
कोणत्याही टिप्पण्‍या नाहीत:
टिप्पणी पोस्ट करा