खाजगी वैद्यकीय व्यावसायिकांनी त्यांचे दवाखाने बंद ठेऊ नयेत

जालना, प्रतिनिधी :- सद्यस्थितीत कोरोना विषाणुच्या साथी व्यतिरिक्त अन्य विषाणुजन्य आजाराच्या साथीही जिल्ह्यात सुरु आहेत. तसेच विविध आजाराने ग्रस्त 

रुग्ण देखील दैनंदिन तपासणीसाठी खाजगी दवाखान्यात येत असतात. काही खाजगी वैद्यकीय व्यावसायिक डॉक्टर आपली हॉस्पीटल, दवाखाने, क्लिनिक बंद ठेवीत असल्यामुळे सर्व सामान्य नागरिकांची  गैरसोय होऊन शासकीय यंत्रणेवर भार पडत आहे.जालना जिल्ह्यातील सर्व नोंदणीकृत खाजगी वैद्यकीय व्यावसायिक डॉक्टरांनी त्यांचे हॉस्पीटल, दवाखाने, क्लिनीक सलग बंद ठेवण्यात येवू नये. अन्यथा संबंधिताविरुध्द प्रतिबंधात्मक कायदा 1897 व आपत्ती व्यवस्थापन अधिनियम, 2005 नुसार कायदेशीर कार्यवाही करण्यात येईल. तसेच संबंधीत हॉस्पीटलचे व वैद्यकीय व्यवसायीकांचे नोंदणी प्रमाणपत्र रद्द करण्याबाबतची कायदेशीर कार्यवाही करण्यात येईल याची गांभिर्याने नोंद घ्यावी, असे जिल्हाधिकारी रवींद्र बिनवडे यांनी एका परिपत्रकाद्वारे सुचित केले आहे.

कामगारांनी कोणत्याही दलाल किंवा एजंटाच्या प्रलोभनास बळी पडू नये
जिल्हा कामगार अधिकाऱ्यांचे आवाहन.
जालना,प्रतिनिधी :- कोविड-19 च्या अनुषंगाने महाराष्ट्रच नव्हे तर संपुर्ण जगावर कोरोनाची आपत्ती आलेली आहे. त्याच कामगारांवर उपासमारीची वेळ आलेली आहे. परंतु काही लोक या परिस्थितीचा उपयोग करुन कामगारांची दिशाभुल करत असल्याचे सरकारी कामगार कार्यालयाच्या निदर्शनास आले आहे. जिल्ह्यातील महाराष्ट्र ईमारत व इ्रतर बांधकाम कामगार कल्याणकारी मंडळ, जालना येथील नोंदीत व अनोंदीत कामगारांनी कोणत्याही दलाल किंवा एजंटाच्या प्रलोभनास बळी पडू नये. एजंट किंवा दलाल पैशाची मागणी करत असेल तर त्याच्याविरुद्ध आपल्या हद्दीतील पोलीस स्टेशनमध्ये तक्रार करावी,असे आवाहन टी.ई.कराड, जिल्हा कामगार अधिकारी, जालना यांनी प्रसिद्धी पत्रकाद्वारे केले आहे.