शंकरनगर परिसर सील, दुकाने बंद
जालना/प्रतिनिधी :- जुना जालन्यातील शंकरनगर परिसरातील एका व्यक्तीचा अहवाल पॉझिटिव्ह आल्यानंतर यंत्रणा अलर्ट झाली. सदर व्यक्तीने ताप आल्यानंतर खाजगी दवाखान्यात उपचार घेतले होते. त्यामुळे उपचार करणाऱ्या डॉक्टरांचेही स्वॅब घेण्यात आले होते. तपासणीअंती डॉक्टरांचा अहवाल निगेटीव्ह आला आहे. तथापि, सदर डॉक्टर स्वत:हुन होम क्वारंटाईन झाले आहे. मुख्याधिकारी नितीन नार्वेकर, नगरसेवक ज्ञानेश्वर ढोबळे पाटील, पोलीस उपनिरीक्षक पोवार, स्वच्छता विभागप्रमुख संजय वाघमारे, स्वच्छता निरीक्षक पंडीत पवार, राजेंद्र जाधव आदींनी संपूर्ण परिसर निर्जंतुकीकरण करून घेतला. यावेळी बाधीत रूग्णाच्या कुटूंबांना क्वारंटाईन करण्यात आले असून शंकरनगरचा परिसर सील करण्याची कार्यवाही सुरू करण्यात आली आहे. परंतू त्याआधीच या भागातील दुकाने बंद करण्यात आली आहे. यावेळी स्वच्छता कर्मचारी रावसाहेब लोखंडे, कमलाकर सगट, किशोर सगट, बळी पांडव, अग्निशामक विभाग प्रमुख विठ्ठल गोगरूड व कर्मचारी,आशा कर्मचारी निसर्गन आदींनी परिश्रम घेतले.
कोणत्याही टिप्पण्‍या नाहीत:
टिप्पणी पोस्ट करा