पेट्रोल - डिझेल दर वाढ विरोधात काँग्रेस पक्षाचे सोमवारी आंदोलन

जालना (प्रतिनिधी) :- अखिल भारतीय काँगे्रस कमिटीच्या वतीने श्रीमती सोनिया गांधी यांच्या नेतृत्वाखाली केंद्र सरकारने पेट्रोल-डिझेलचा वाढविलेला दर मागे घेण्यासाठी देशभरात आंदोलन पुकारण्यात आले आहे. या अनुषंगाने दि. 29 जून सोमवार रोजी सकाळी 11. 30 वा. जुना जालना गांधी चमन येथे धरणे आंदोलन करण्यात येणार असल्याची माहिती जिल्हा काँग्रेस कमिटीचे अध्यक्ष राजाभाऊ देशमुख यांनी दिली आहे.केंद्र सरकारने पेट्रोल-डिझेलचे अन्यायकारक दर वाढविल्यामुळे त्याचा माल वाहतूकीवर मोठा परिणाम होऊन जीवनावश्यक वस्तूंचे भाव गगनाला भिडले आहे. आणि प्रत्येक क्षेत्रात महागाई वाढली आहे. यामुळे जनसामान्याचे सगने कठीण बनले आहे. केंद्र सरकारने इंधन दर वाढ ताबडतोब मागे घ्यावी या मागणीसाठी काँग्रेस पक्षातर्फे धरणे आंदोलन करण्यात येणार आहे. याप्रसंगी काँग्रेस पक्षाचे आजी-माजी प्रदेश पदाधिकारी, माजी जिल्हाध्यक्ष, जिल्ह्यातील सर्व तालुकाध्यक्ष आणि पदाधिकारी उपस्थित राहणार आहे. याप्रसंगी उपस्थित राहण्याचे आवाहन जिल्हाध्यक्ष राजाभाऊ देशमुख, आ. कैलास गोरंट्याल, आ. राजेश राठोड, जिल्हा कार्याध्यक्ष राजेंद्र राख, शहराध्यक्ष शेख महेमूद, गटनेते गणेश राऊत, तालुकाध्यक्ष वसंत जाधव, राम सावंत, राहुल देशमुख, विमलताई आगवाले, विजय जर्‍हाड, बदर चाऊस, दिनकर घेवंदे, आनंद लोखंडे, गुरूमीतसिंग सेना, शेख शमशु आदी पदाधिकार्‍यांनी केले आहे.

राष्ट्रवादी काँग्रेस पार्टीच्या वतीने राजश्री छत्रपती शाहू महाराज यांच्या जयंतीनिमित्त अभिवादन.

जालना,प्रतिनिधी :- राष्ट्रवादी भवन जालना येथे राष्ट्रवादी काँग्रेस पार्टीच्या वतीने राजश्री छत्रपती शाहू महाराज यांच्या जयंतीनिमित्त अभिवादन करण्यात आले यावेळी मा.नंदकिशोर जांगडे राष्ट्रवादी काँग्रेस शहराध्यक्ष तसेच राजेंद्र जाधव युवक शहराध्यक्ष राष्ट्रवादी काँग्रेस पार्टी, ज्ञानेश्वर धानोरे , (उपाध्यक्ष राष्ट्रवादी काँग्रेस)  दशरथ तोडुळे, कुणाल शिरसागर , प्रा .शिंदे सर आदी उपस्थित होते

समाजभान नावाने फेसबूक आयडी तयार करून पैसा लुटणार्‍याविरूद्ध कारवाई करण्याची मागणी

जालना (प्रतिनिधी):- सामाजिक कामासाठी समाजभान नावाने विविध फेसबूक आयडी तयार करून ऑनलाईन पध्दतीने पैसा गोळा करण्याचे काम केले जात असून संबंधीतांविरूद्ध कारवाई करण्यात यावी अशी तक्रार पोलिस निरिक्षक अंबड, व पोलिस अधिक्षक जालना, सायबर क्राईम, जालना यांना देण्यात आलेल्या निवेदनाद्वारे करण्यात आली आहे.याबाबत देण्यात आलेल्या निवेदनात म्हटले की, देशाला लागलेला महारोग भ्रष्टाचार रोखण्यासाठी गेल्या अनेक वर्षापासून विविध पध्दतीने जनजागृतीद्वारे आम्ही प्रयत्न करीत आहोत. भ्रष्टाचार करण्याच्या विविध पध्दती आहेत हे आम्हाला समाजभान नावाने लक्षात आले. दादासाहेब थेटे हे शिवाजी प्राथमिक शाळा, इंदिरानगर झोपडपटटी पाण्याचे टाकी खाली शाळेत शिक्षक आहेत मी पण एक शिक्षक असून शाळेच्या गुणवत्ता करिता मुलींच्या शिक्षणाकरिता, शिक्षकांचे प्रशिक्षण, योगाभ्यासाचा प्रचार आणि प्रसार, विविध शासकीय उपक्रम राबवून आदर्श काम उभे केले आहे. तसेच सर्व राष्ट्रीय उपक्रमांत प्रशासकीय आदेशान्वये अनेक उपक्रम राबविले आहेत. सामाजिक उपक्रमात भाग घेवून सर्वसामान्य लोकांना सोबत घेवून पर्यावरण तसेच पाणी टंचाईवर कायमस्वरूपी मात करण्यासाठी शेतकर्‍यांच्या कल्याणासाठी कोटयावधीचा प्रशासकीय तसेच सामाजिक संस्थाकडून निधी मिळविण्यासाठी यशस्वी प्रयत्न करून जलक्रांती करिता वेळप्रसंगी सत्याग्रह करुन जलसंवर्धनाची कामे करण्यासाठी सहभाग घेऊन आदर्श कामासाठी सदगृहस्थांची टीम बनवून भ्रष्टाचार, अन्याय, अत्याचाराला विरोध करून जनतेला न्याय देण्यासाठी विविध आंदोलन, सत्याग्रह केले. परंतू थेटे हे या जमा केलेल्या पैशातून बॅनर लावून जाहिरातबाजी करत आहे. ज्यातून समाजाला कुठलाही फायदा नाही असे राजकीय पुढार्‍यांचे कार्यक्रम घेत असल्याचे निदर्शनास आल्याने हा पैसा कोठून व कसा जमा करत असेल त्याचा तपास करायला सुरूवात केली. दिनदुबळ्यांचा कैवारी गोरगरीबांचा मसिहा असल्याचे चित्र निर्माण करून प्रभाव पाडण्यासाठी फेसबूकवर बोगस नावाने अनेक अकाउंट उघडून ऑनलाईन पध्दतीने पैसा मागणी करत असल्याचे मला कोव्हीड - 19 च्या संचारबंदी काळात गरजुंना अन्नधान्य दान करण्याच्या कार्यात लक्षात आले. 200 ते 300 लोकांना जालन्याहून खिचडी आणायची आणि आठशे लोकांना वाटली असे खोटे सांगुण लोकांना पैशासाठी आवाहन करायचे यामुळे मला यांच्या सामाजिक कार्यात भ्रष्ट विचारांची खात्री पटली. सामाजिक कार्यकर्तेच्या बैठकीत विनंतीही केली होती की सामाजिकार्यात दुकानदारी करू नाही. परंतू अंबड तालुक्यात नौकरीला असतांना त्यांच्या शाळेवर व्हीजीट केली होती दोन्ही वेळेला प्रार्थनेला उपस्थित नसल्याचे व उशीरा आल्याचे निदर्शनास आले. गुणवत्तेच्या दृष्टीने विशेष असे काहीच हालचाल असल्याचे दिसून आले नाही. आणि आज ही काही शाळेत विशेष लक्ष असल्याचे दिसून येत नाही. सामाजिक कामा निमित्ताने निस्ते बाहेर लक्ष असल्याने ज्याठिकाणचा पगार सुरू आहे त्याठिकाणी 100 % जीव ओतून काम न करता फक्त पगार पुरते काम कुरून एकप्रकारे शाळेच्या कामात फक्त हजेरी लावून गणवतेत कमी राहणे आणि बाहेर सामाजिक कामासाठी पैसा मागणी करून जमा झालेल्या पैशातून 50 % खर्च करायचा असे प्रकार करत असल्याचे दिसून येत आहे. असेही या निवेदनात शेवटी म्हटले आहे. यावेळी निवेदनावर देवा चित्राल, अ‍ॅड. आशा गाडेकर, चंद्रकांत आढाव, अंकुश चव्हाण आदींच्या स्वाक्षर्‍या आहेत. 

गुटखा माफियावर पत्रकार संरक्षण कायद्या अंतर्गत गुन्हा दाखल करावा - पत्रकार सुरक्षा समितीची मागणी

जालना / प्रतिनिधी :- पत्रकार दै.जंग चे शेख मुसा गेल्या 15 ते 20 वर्षापासुन पञकारिता क्षेञात असुन,जिवाची कसलीही तमा न बाळगता सत्य आणि निर्भिड पञकारीता करत आले आहे,या दरमियान त्यांना अनेक वेळा गुंडा करवी धमक्या मिळाल्या आहेत,सध्या मानवी आरोग्यास घातक अशा प्रतिबंधित गुटखा विषयी लिखाण करत असतांना गुटखा माफीया सतिष जैस्वाल यांचा भाउ नामे उमेश जैस्वाल यांने शेख मुसा याच्या एका मिञा कडे फोनवर संभाषण केले की,एस पी कितने दिन का है,दो ढाई महीने उसके बाद तो हम ही है,उसको पांच हजार देने के बजाये पांच लाख देकर हमेशा की किटकिट खत्म कर देंगे अशी गर्भित आणि पाच लाखात सुपारी देवुन कायमचा काटा काढण्याची भाषा केली आहे.सध्या सतिष जैस्वाल वर 10-12 गुन्हे असुन त्यावर एमपीडीए अंतर्गत कारवाई करणे गरजेचे आहे माञ आपल्या विभागातील काही कर्मचारी व अन्न, औषध आणी भेसळ विभागाचे अधिकारी त्यां माफीयास पाठीशी घालत असल्याने शेख मुसा यांनी संदर्भातील बातम्या त्यांच्या हिंदी दैनिक वैचारिक जंग मध्ये प्रकाशित करत असल्याने त्याने ही धमकी दिली आहे. या गुटखा माफिया वर पत्रकार संरक्षण कायद्या अंतर्गत गुन्हा दाखल करण्याची मागणी पत्रकार सुरक्षा समिती (महाराष्ट्र राज्य)जालना जिल्ह्याच्या वतीने पोलीस अधीक्षकांना निवेदन देण्यात आले या निवेदनावर जिल्हाध्यक्ष तथा साय दै.राजुरेश्वर चे जिल्हा प्रतिनिधी गोपाल त्रिवेदी,एम सी एन न्यूज चे जिल्हा प्रतिनिधी सुयोग खर्डेकर, गदिर टाइम्स चे संपादक खलील खान,एस बी एन न्यूज चे राहुल मुळे,सा. लोकधिकारचे सय्यद अफसर, दै.कालदण्ड चे संपादक शेख चांद पी.जे.,एम सी एन न्यूज चे सुनील खरात,प्रेस फोटोग्राफर जावेद तांबोली, सा. लोकधिकारचे शब्बीर पठाण,जालना न्यूज टाइम्स चे गौरव बुट्टे, सा. घानेवाडी दर्पणचे संपादक शिवाजी बावणे,दै.आणीबाणीचे सीताराम तुपे,दै.आनंद नगरीचे तुकाराम पिठोरे, दै.पुण्य नगरीचे बाबासाहेब म्हस्के,दै.पल्लवरंग चे संपादक अमित कुलकर्णी यांच्या स्वाक्षऱ्या आहेत.
राज्यात गुटखाबंदी लागू करण्यात आली असताना जालना येथून मोठ्या प्रमाणात गुटख्याची वाहतूक - विक्री केली जाते. जालना येथील ' दैनिक वैचारिक जंग' या हिंदी भाषिक वर्तमापत्राचे आवृत्ती संपादक शेख मुसा यांनी गुटखा विक्रीच्या विरोधात बातम्या प्रकाशित केल्या. त्यामुळे त्यांना येथील गुटखा मफिया सतीश जैस्वाल यांच्या भावाने पत्रकार मुसा यांच्या मित्राकडे जिवे मारण्याची धमकी दिली आहे. या धमकीची ऑडिओ क्लिप देखील व्हायरल झाली असून याबाबत पत्रकार शेख मुसा यांनी शुक्रवारी ( दि.२६ ) पोलिस अधीक्षक एस. चैतन्य यांना निवेदन दिले आहे.
     याबाबत देण्यात आलेल्या निवेदनात पत्रकार शेख मुसा यांनी म्हटले की, दैनिक वैचारिक जंग या वृत्तपत्रातून मी अवैध गुटखा विक्रीबाबत बातम्या प्रसिद्ध केल्या आहे. मानवी आरोग्यास घातक असल्याने प्रतिबंधित केलेल्या गुटखा विक्रीबाबत लिखाण करीत असल्याने येथील गुटखा माफिया सतीश जैस्वाल याचा भाऊ उमेश जैस्वाल याने माझ्या एका मित्राकडे धमकी दिली आहे. पाच लाख रुपयांची सुपारी देऊन माझा काटा काढण्याची भाषा या क्लिप मध्ये वापरण्यात आली आहे.हा  गर्भित इशारा या गुटखा माफियाच्या भावाकडून मला देण्यात आला आहे, असे या निवेदनात म्हटले आहे.

     चौकट : -
...तरीही मोक्का नुसार कारवाई आवश्यक
या निवेदनात पत्रकार शेख मुसा यांनी संबंधित गुटखा माफिया सतीश जैस्वाल याच्या विरोधात जालना शहरातील सदर बाजार, कदीम जालना ,चंदन झिरा पोलीस ठाण्यात ३२८, २७२,२७३,१८८ या कलमानुसार तब्बल आठ गुन्हे दाखल असून न्यायालयात चार खटले दाखल आहेत. त्यानुसार त्याच्यावर मोक्का / एम पी डी ए कायद्यानुसार तडीपारीची कारवाई होणे आवश्यक होते. मात्र, तो आजही जालना जिल्ह्यात खुलेआम गुख्याची विक्री करून नागरिकांचे आरोग्य बिघडवित आहे. कारवाईस्तव हे निवेदन पोलिस अधीक्षक एस. चैतन्य यांच्याकडे सादर करण्यात आल्याचेही यात म्हटले आहे.

'एस पी कितने दिनका हैं.. दो ढाई महिने' !
पत्रकार शेख मुसा यांना दिलेल्या धमकीच्या या ऑडिओ क्लिप मध्ये पुढील संवाद आहे.
'एस पी कितने दिनका हैं.. दो ढाई महिने' ! तो हम ही हैं... इसको पाच हजार देने के बजाय पाच देकर इसकी किट किट ही खतम कर देंगे '..अशा शब्दात ही
धमकी पत्रकार शेख मुसा यांच्या   मित्राकडे दिल्याचे मुसा यांनी सांगितले.

गुटखा माफियावर मोक्का लावा पोलीसांनी तात्काळ कारवाई न केल्यास जशास तसे उत्तर देऊ - अभयकुमार यादव

जालना (प्रतिनिधी) :- राज्यात गुटखाबंदी लागू करण्यात आली असताना जालना येथून मोठ्या प्रमाणात गुटख्याची वाहतूक - विक्री केली जाते. जालना येथील हिंदी भाषिक वर्तमापत्राचे आवृत्ती संपादक शेख मुसा यांनी गुटखा विक्रीच्या विरोधात बातम्या प्रकाशित केल्या. त्यामुळे त्यांना येथील गुटखा मफिया सतीश जैस्वाल यांच्या भावाने पत्रकार मुसा यांच्या मित्राकडे जिवे मारण्याची धमकी दिली आहे.
या धमकीची ऑडिओ क्लिप देखील व्हायरल झाली असून याबाबत पत्रकार शेख मुसा यांनी पोलिस अधीक्षक यांच्याकडे तक्रार दिलेलली असून याप्रकरणी पोलीसांनी तात्काळ दखल घेवून जैस्वाल यांच्यावर मोक्का अंतर्गत कारवाई करावी अन्यथा जैस्वालला जशास तसे उत्तर देऊ असे आव्हान जालना जिल्हा साप्ताहिक संपादक संघाचे अध्यक्ष अभयकुमार यादव यांनी केले आहे.

परतुर तहसील कार्यालयाकडून  शेतकऱ्यांना 20 मिनिटात मिळतंय नक्कल

शेतकऱ्यांनी तहसीलदार चित्रक यांचे मानले आभार

परतुर /प्रतिनिधी इम्रान कुरेशी
तालुक्यातील पिक कर्ज साठी लागणारे जूने 7/ 12 नक्कल फेरफार अवघ्या 20 मिनटाच्या अत देवून एक अनोखा उपक्रम नोदविला आहे .
अर्ज देवून जे नक्कल 7 दिवसाच्या कालवदी लागत होता.
पण परतूर तहसील कार्यालयाकडून शेतकऱ्यांचे नुकसान होऊ नये म्हणून
तहसीलदार श्रीमती रूपा चित्रक यांनी शेतकऱ्यांना अवघ्या 20 मिनटात 7 /12 नक्कल मिळण्या साठी तातडीने  4 कोतवाल यांना भूमि अभिलेख कक्षात पाठवून कोरोनाच्या विषाणु प्रादृभावच्या मोठा धोका असताना  एक चांगला निर्णय घेतला म्हणून संपूर्ण परतुर तालुक्याचे शेतकरी यांनी समाधान व्यक्त करत श्रीमती रूपा चित्रक यांचे आभार व्यक्त केले.

प्रतिक्रिया:- 1) आम्हाला पीक कर्जासाठी नक्कल चे प्रमाणपत्र लागत असलेले तहसील कार्यालयात अर्ज केला अवघ्या 20 मिनिटात मला नक्कल प्रमाणपत्र मिळाले.

सुरेश भोसले, शेतकरी

2)बँक मध्ये सध्या खूप गर्दी आहे.पीक कर्जासाठी 7/12 नक्कल आवश्यक असल्याने तहसील कार्यालयात अर्ज केला मला काही वेळात फेरफार नकलीचे प्रमाणपत्र प्राप्त झाले.माझे काम वेळेवर झाले.
विलास गायकवाड ,शेतकरी

क्रांतिगुरु लहुजी साळवे विकास परिषद  आघाडीच्या तालुका युवक अध्यक्ष  पदी महेश भैय्या झाडे यांची निवड 

...........................................

सिरसदेवी /शाम अडागळे: काल दि. २६ जून रोजी क्रांतीगुरु लहुजी साळवे विकास परिषद गेवराई तालुका युवक अध्यक्ष पदी महेश भैय्या झाडे यांची निवड करण्यात आली. मा. विजयसिंह पंडित साहेब बीड जिल्हा परिषद माजी अध्यक्ष यांच्या हस्ते नियुक्ती पत्र देण्यात आले. मा. विजयसिंह पंडित साहेब  यांनी महेश भैय्या झाडे यांचा सत्कार केला व पुडील कार्यास शुभेच्छा दिल्या. यावेळी विजय चांदणे( प्रदेश उपाध्यक्ष), प्रदीप थोरात (बीड जिल्हा अध्यक्ष), नंदकुमार झाडे ( प्रहार संघटनेचे तालुका अध्यक्ष), प्रा. राजेंद्र अडागळे ( प्रहार संघटनेचे जिल्हा कार्या अध्यक्ष), महेश सावंत ( राष्ट्रवादी काँग्रेस पक्षाचे नेते) ,व राजाभाऊ जगताप हे उपस्थित होते.