घनसावंगी तालुक्यातील पारडगाव येथे प्रधानमंत्री गरीब कल्याण योजने अंतर्गत स्वस्त धान्य दुकानदाराकडून पात्र लाभार्थ्यांना पाच किलो तांदुळ व प्रति कार्ड धारकांना एक किलो डाळीचे मोफत वितरण करण्यात आले.
स्वस्त राशन दुकानदाराने सुरक्षित अंतर ठेवून तांदुळ व डाळ वाटप केले. स्वस्त धान्य दुकानात ग्रामस्थांच्या देखरेखीखाली सुरळीत वितरण केले असून या माध्यमातुन बीपीएल, अंत्योदय, अन्न सुरक्षा या योजनेच्या लाभार्थ्यांना मोफत तांदुळ व डाळीचे वाटप करण्यात आले. लॉकडाऊनमध्ये मोठ्या प्रमाणात स्वस्त धान्य दुकानदाराना तांदुळ व डाळ उपलब्ध करून देण्यात आली आहे. गोरगरीबांना लॉकडाऊनमध्ये राशन उपयोगी पडत आहे. या वेळी स्वस्त धान्य दुकानदार सैय्यद जाकेर, गुणाजी नाटकर, शिवाजी भालेकर, खालेद कुरेशी, सैय्यद शौकत, गणेश सातपुते, शिवाजी डोळझाके, फिलिप नाटकर, विष्णू सुतार, सैय्यद अकबर आदी उपस्थित होते.
कोणत्याही टिप्पण्या नाहीत:
टिप्पणी पोस्ट करा