रांजणीचे सरपंच राधाकिसन जाधव यांनी वाटले मोफत राशन.
रांजणी प्रतिनिधी/असलम कुरेशी
घनसावंगी तालुक्यातील रांजणी येथील सरपंच राधाकिसन जाधव यांच्या 47 क्रमांकाच्या राशन दुकानाचे पैसे त्यांनी स्वतः भरले असून सोशल डिस्टन्सिंचे पालन करुन सर्व लाभार्थ्यांना मोफत राशन वाटप करण्यात येत आहे.
सध्या कोरोनाच्या पार्श्वभूमीवर शासनाने लाॅकडाऊनची घोषणा केलेली आहे. तसेच जिल्हा प्रशासनाने जमावबंदी आदेश लागू करुन सोशल डिस्टन्सचे पालन करण्याचे आवाहन केले आहे. तसेच हातावर पोट भरणा-या मजुरांना काम नसल्याने त्यांना आर्थिक अडचणीचा सामना करावा लागत आहे. त्यामुळे सरपंच राधाकिसन जाधव यांनी त्यांच्या राशन दुकानात वाटप करण्यात येणा-या गहू व तांदळाची रक्कम स्वतः भरुन 400 लाभार्थ्यांना मोफत राशन वाटप करण्याचा निर्णय घेतला. यावेळी सोशल डिस्टन्सिंचे पालन करुन राशन वाटप करण्यास सुरुवात करण्यात आली. या राशन दुकानाला विविध योजनेचे 400 लाभार्थी कार्डधारक असून सर्वांना चार फुटाच्या अंतरावर लाईनमध्ये बसवून राशन वाटप करण्यात येत आहे. यासंदर्भात राधाकिसन जाधव यांनी सांगितले की सर्वांना शासनाच्या नियमाप्रमाणे राशन वाटप करण्यात येत आहे. तसेच सर्व लाभार्थ्यांना मोफत राशन वाटप करण्यात येत आहे. विशेष म्हणजे राशन घेण्यासाठी येणा-या नागरिकासाठी सॅनिटायझरची व्यवस्था करण्यात आली आहे.
कोणत्याही टिप्पण्‍या नाहीत:
टिप्पणी पोस्ट करा