एक हात मदतीचा, एक हात आधाराचा - सुरेश नंदिरे
मुंबई, ब्युरो चीफ :- जगभरात पसरलेल्या कोरोनाला रोखण्यासाठी सध्यातरी लॉक डाऊन शिवाय दुसरा पर्याय नाही, भारतात टप्याटप्याने लॉक डाऊन वाढवण्यात आला. मात्र कोरोना रुग्णात कमी आलेली नाही उलट ते वाढतच आहे, लॉकडाऊन काळात लाखो मजूर बेरोजगार झाले, हातात काही काम नसल्याने ते गावी चालले आहेत, मात्र ज्यांची घर, कुटुंब या ठिकणी आहेत त्यांना मुंबईत थांबण्याशिवाय पर्याय नाही,मुंबई ही सर्वाधिक गर्दीचे ठिकाण म्हणून परिचित आहे, 60 लाख नागरिकांच्या सुविधेसाठी असलेली महानगर पालिका आता सुमारे 2 कोटी नागरिकांना सुविधा देत आहे, त्यातील अनेकजण पालिकेला कर देखील भरत नाही. तरीही मुंबई थांबली नाही ती चालूच आहे, रात्रंदिवस. देशाला सर्वाधिक महसूल देणारी मुंबई आता थांबली आहे. कोरोनाचे सर्वाधिक रुग्ण मुंबईत असल्याने ती रेड झोन मध्ये आली आहे. धारावी, सर्वात मोठी झोपडपट्टी असलेल्या भागात मी पत्रकार म्हणून नेहमीच गेलो आहे, घराघरात या ठिकाणी लघुउद्योग चालतो, महिला या कामात पुढे आहे, धारावीला नावे ठेवणाऱ्या लोकांना हे देखील माहीत नाही की आशिया खंडात सर्वात मोठा लघुउद्योग याच ठिकाणी चालतो. मोठमोठ्या शोरूम मध्ये असणाऱ्या वस्तू धारावीत तयार होतात, आज ही धारावी थांबली आहे, 90 फिट, 60 फिट, कुंभारवाडा, लेबरकॅम्प सारे काही थांबले आहे, सर्वात मोठा कुंभारांचा व्यवसाय बंद झाला आहे. मडके, दीपावलीच्या पणत्या विविध मातीच्या वस्तू याच ठिकणी तयार होतात. आज या लोकांना आपल्या मदतीची गरज आहे. धारावीत फिरताना अनेकांनी मदत मागितली, मदत जमा करून ती दिली, पण ती कमी पडत आहे, काही खाजगी रुग्णालयांना PPE किट, मास्क यांची गरज आहे, अनेकांना अन्न धान्यांची गरज आहे. याच धारावीत सर्वात मोठा गरीब वर्ग देखील आहे. अशीच मदत गोवंडी, चेंबूर या भागातील लोकांना आहे, वंचित बहुजन आघाडीचा राज्य प्रसिद्धी प्रमुख असल्याने अनेकांचे मदतीसाठी फोन येत असतात, शक्य तितकी मदत पक्षाने, कार्यकर्त्यानी केली आहे. आता तुमच्याकडून मदतीची अपेक्षा आहे. आपण काहीही मदत करू शकता, पैसे,धान्य, ppe किट, मास्क आपले 100 रुपये देखील अनेकांच्या पोटाचा आधार आहे, अनेक मजूर आजही मुंबईत अडकले आहेत. त्यांना देखील मदतीची गरज आहे. ज्यांना शक्य त्यांनी मदतीसाठी पुढे यावे, शक्य झाल्यास त्यांना संस्थे तर्फे मदत केल्याचे प्रमाणपत्र दिले जाईल. मदत करणाऱ्यांनी 9867600300 पत्रकार, सुरेश नंदिरे या व्हाट्स असे आवाहन केले आहे.
कोणत्याही टिप्पण्‍या नाहीत:
टिप्पणी पोस्ट करा