कोरोना अलर्ट : बुलढाणा जिल्हयात आज प्राप्त ०४ कोरोना अहवाल 'निगेटिव्ह'; तर ३ पॉझिटिव
बुलडाणा,प्रतिनिधी :- जिल्ह्यात आज प्राप्त ०७ रिपोर्ट पैकी ०४ रिपोर्ट निगेटिव्ह असून ०३ रिपोर्ट पॉझिटिव्ह आहे. आतापर्यंत ६८५ रिपोर्ट निगेटिव्ह प्राप्त झाले आहेत. जिल्ह्यात या तीन बाधीत रुग्णांसह २९ रुग्ण कोरोनाबधित आहेत. त्यापैकी एक मृत आहे. आतापर्यंत २३ कोरोनाबधीत रुग्णांचा तपासणी अहवाल कोरोना निगेटिव्ह आल्यामुळे त्यांना वैद्यकीय प्रोटोकॉलप्रमाणे कोविड रुग्णालयातून सुट्टी देण्यात आली आहे. अशाप्रकारे सुटी देण्यात आलेल्या रूग्णांची एकूण संख्या २३ आहे. सध्या रूग्णालयात पाच कोरोनाबाधीत रूग्ण उपचार घेत आहे. तसेच आज १७ मे रोजी ०७ अहवाल प्राप्त झाले आहेत. तीन अहवाल पॉझिटिव्ह आहेत. यामध्ये खामगांव येथील ६० वर्षीय महिला, शेगाव येथील ३५ वर्षीय पुरुष आणि नरवेल, ता. मलकापूर येथील ७ वर्षीय मुलीचा समावेश आहे. तसेच आज रोजी अहवालाच्या प्रतिक्षेत असलेले नमुने ६८ आहेत, अशी माहिती निवासी उपजिल्हाधिकारी डॉ. आर. जी पुरी यांनी दिली आहे.
कोणत्याही टिप्पण्‍या नाहीत:
टिप्पणी पोस्ट करा