जिल्हास्तरीय बँकर्स समितीची जिल्हाधिकाऱ्यांच्या अध्यक्षतेखाली बैठक संपन्न.
जालना,ब्युरोचीफ :- जिल्हाधिकारी कार्यालयाच्या सभागृहात आज दि. 23 जुन रोजी जिल्हास्तरीय बँकर्स समितीची बैठक जिल्हाधिकारी रवींद्र बिनवडे यांच्या अध्यक्षतेखाली संपन्न झाली. सन 2020-21 वार्षिक पतपुरवठा आराखड्यामध्ये तीन हजार कोटी रुपयांची तरतूद करण्यात आली असल्याची माहिती या बैठकीत देण्यात आली.या बैठकीस अपर जिल्हाधिकारी अंकुश पिनाटे, जिल्हा अग्रणी बँक अधिकारी निशांत ईलमकर, नाबार्डचे पी.जी. भागवतकर, जिल्हा उपनिबंधक सहकारी संस्था नानासाहेब चव्हाण, संतोष शर्मा, ग्रामीण बँकेचे क्षेत्रीय व्यवस्थापक श्री वानखेडे, एसबीआय बँकेचे श्री सदावर्ते, अग्रणी बँकचे श्री तावडे, प्रदीप जोशी यांच्यासह विविध बँकांचे व्यवस्थापकांची उपस्थिती होती. या आराखड्यामध्ये पीककर्जासाठी 1 हजार 600 कोटी, दीर्घ मुदतीच्या कर्जासाठी 400 कोटी, तर लघु व मध्यम उद्योगासाठी 600 कोटी रुपयांची तरतूद करण्यात आली असल्याची माहितीही यावेळी देण्यात आली. यावेळी वार्षिक पतपुरवठा आराखड्याचे तसेच महाबँक ग्रामीण स्वयंरोजगार संस्था यांच्या सन 2019-20 वार्षिक कार्य अहवाल पुस्तिकेचे विमोचनही मान्यवरांच्या हस्ते यावेळी करण्यात आले.
कोणत्याही टिप्पण्या नाहीत:
टिप्पणी पोस्ट करा