HELLO REPORTER

         सावता परिषदेच्या जालना युवक जिल्हाध्यक्षपदी 
          संदीप मगर पाटील यांची तिसऱ्यांदा फेरनिवड

सिंधीकाळेगाव/प्रतिनिधी:-दि २०/०२/२०२० रोजी सावता परिषदेची विभागीय,जिल्हा कार्यकारी जाहीर करण्यात आली,समाज कार्यासाठी समाज संघटन हे ब्रीद घेऊन सावता परिषद मागील तेरा वर्षांपासून महाराष्ट्रभरात मोठ्या ताकदीने सक्रिय आहे.

  सावता परिषदेचे संस्थापक अध्यक्ष मा.कल्याणराव आखाडे यांच्या नेतृत्वाखाली संदिप मगर पाटील हे मागील नऊ वर्षांपासून संघटनेत प्रभावीपणे एकनिष्ठ राहून कार्य करत आहेत,मागील काही दिवसांपूर्वी त्यांची संघटनेच्या प्रदेश संयोजन समितीच्या सदस्य पदी देखील निवड झालेली आहे,संदिप सुधाकर मगर पाटील हे राममूर्ती ता.जालना येथील रहिवासी असून ते शिवराय,फुले,शाहू,आंबेडकरांच्या विचारांचे पाईक आहेत.संघटनेमध्ये कार्य करत असताना अनेक युवकांना त्यांनी संघटनेत सामील करून घेतले,तसेच विविध उपक्रम असो,महापुरुषांचे जयंती उत्सव असो,अथवा समाजउपयोगी कामे अत्यंत प्रभावीपणे करत असतात,त्यांच्या या समाज कार्याची तळमळ व कार्याची दखल घेत संघटनेचे संस्थापक अध्यक्ष कल्याणराव आखाडे यांच्या आदेशानुसार सावता परिषदेचे प्रदेश महासचिव यांनी पत्रकाद्वारे सदरील नियुक्ती जाहीर केली.
या नियुक्ती बद्दल संदिप मगर पाटील यांचे जिल्हाभरातून सर्वच स्तरातून अभिनंदन करण्यात येत आहे.