ऑनलाईन परिक्षेत सचिन आर्य यांचे यश .ऑलंम्पिक दिनानिमित्त आयोजित केली होती स्पर्धा
जालना,प्रतिनिधी :- एकीकडे कोरोना महामारीसारख्या संकटाचा सामना करण्यासाठी जनतेच्या खांद्याला खांदा लावून उभा असलेल्या जिल्हा पोलीस दलातील कर्मचार्‍यांनी आपल्या दैनंदिन कामाकाजासही आवडीनिवडीवरची पकडही कमी होऊ दिलेली नाही. त्याचेच उदाहरण म्हणजे पोलीस दलातील कर्मचारी सचिन आर्य यांनी ऑलंम्पिक दिनानिमित्त अखिल भारतीय स्तरावर आयोजित ऑनलाईन स्पर्धेत विशेष यश संपादन केले हे मानले जात आहे.कोरोना आजारावर मात करण्यासाठी पोलीस प्रशासनासह आरोग्य विभाग, स्वच्छता कर्मचारी तसेच नागरिक गत अनेक दिवसांपासून झटत आहेत. त्यातच सर्वसामान्यांची रोगप्रतिकार शक्ती वाढविण्यासाठी जिल्हा पोलीस दलातील तायक्वांदो खेळाचे राष्ट्रीय पदक विजेते तथा राष्ट्रीय पंच सचिन आर्य यांनी ऑलंम्पिक दिनानिमित्त आयोजित स्पर्धेत सहभाग नोंदवून हे यश संपादीत केले आहे. भारतामधील एकमेव स्पोर्टइन या नामांकीत संस्थेच्या वतीने ही स्पर्धा आयोजित करण्यात आली होती. त्यात संपादीत केलेले यश हे आर्य यांचे नेत्रदिपक यश मानले जात आहे. या यशाबद्दल तायक्वांदो असोसिएशनचे अध्यक्ष अरविंद देशमुख, जनता पोलीस समन्वय समितीचे धनसिंह सुर्यवंशी, विजय कमळे, राष्ट्रीय खेळाडू विपूल राय, फईम खान, सय्यद निसार, सचिन गादेवार, मयुर पिवळ, प्रतिक ढाकणे यांनी श्री आर्य यांचे अभिनंदन केले आहे.
कोणत्याही टिप्पण्‍या नाहीत:
टिप्पणी पोस्ट करा