HELLO REPORTER

संजय काळेना समाजभूषण पुरस्कार  
बजाजनगर /प्रतिनिधी   वाळूज महानगरातील पत्रकार, शिक्षक तथा मूप्टा शिक्षक संघटनेचे विभागीय प्रसिद्धीप्रमुख संजय रामचंद्र काळे यांना शब्दगंध समूह प्रकाशनच्या वतीने दिला जाणारा राज्यस्तरीय डाॕ.बाबासाहेब आंबेडकर समाजभूषण पुरस्कार १४ फेब्रुवारी रोजी औरंगाबाद येथील मराठवाडा साहित्य परिषद सभागृहात  येथे झालेल्या कवि संमेलनात मराठी सहित्यीक डाॕ.महेश खरात यांच्या हस्ते  वितरीत करण्यात आला.यावेळी शब्दगंध प्रकाशन समूहाचे प्रमुख संदीप त्रिभूवन यांच्यासह अनेक मान्यवरांची उपस्थिती होती . यापूर्वी  संजय काळे यांना  मराठवाडा भूषण, सावित्रीबाई फुले पुरस्कार , परिवर्तन रत्न, एकता गौरव , आदर्श पञकार, जिल्हा आदर्श शिक्षक पुरस्कार यासारखे ६२ पुरस्कार मिळाले आहेत .त्यांना हा पुरस्कार मिळाल्याबद्दल अनेकांनी भेटून त्यांचे अभिनंदन केले आहे.