रायगड जिल्हा परिषद प्राथमिक शिक्षक पतपेढी माणगांव कडून जिल्हा आपत्ती व्यवस्थापनास आर्थिक मदत
बोरघर / माणगांव ( विश्वास गायकवाड ) रायगड जिल्ह्यातील सहकार क्षेत्रात अग्रगण्य व आर्थिक व्यवहारात सुलौकीक असलेल्या रायगड जिल्हा परिषद प्राथमिक शिक्षक सेवकांची पतपेढी लि. माणगाव यांनी माध्यमातून सामाजिक उत्तर दाईत्वाचे भान ठेवून कोरोना विषाणू मुक्तीच्या पार्श्वभूमीवर कोरोना आपत्तीच्या लढाईसाठी त्यांच्या कडून छोटीशी मदत म्हणून रायगड जिल्हा आपत्ती व्यवस्थापनाला रक्कम रुपये अकरा हजारचा धनादेश देण्यात आला.
सदरचा अकरा हजार रुपयांचा धनादेश माणगाव तालुका तहसिलदार मा. श्रीम. प्रियांका आहिरे मॅडम यांच्याकडे सुपूर्त करण्यात आला. यावेळी पतपेढीचे चेअरमन श्री. संजय पाटोळे, व्हा. चेअरमन श्रीम. चंद्रमा वाघमारे तसेच संस्थेचे संचालक श्री. संदीप शिंदे, श्री. रमेश उभारे व संस्थेचे सचिव श्री. भाई दांडेकर उपस्थित होते. तसेच सर्व संचालक मंडळ यांच्या सहकार्यातून आपत्ती निवारण करीता एक छोटासा हातभार लावता आला.संस्थेच्या वतीने दरवर्षी आपत्ती व्यवस्थापनामधील वेगवेगळ्या सामाजिक उपक्रमासाठी आर्थिक सहाय्य दिले जाते आणि आपली सामाजिक बांधिलकी जोपासली जात आहे.
कोणत्याही टिप्पण्‍या नाहीत:
टिप्पणी पोस्ट करा