छगन चौगुलेंच्या निधनाने, लोककलेची मोठी हानी-वंचित
मुंबई/ब्युरोचीफ,दि.२१ :- अत्यंत दुःखद बातमी महाराष्ट्रातील एक प्रतिभावंत लोक कलावंत, सर्व लोककला संस्कृतीची जाण असलेले उमदे व्यक्तिमत्व छगन चौगुले यांच्या निधनाने आपण एका मोठ्या कलावंताला मुकलो आहोत. अश्या शब्दात वंचित बहुजन आघाडीचे उपाध्यक्ष डॉ. अरुण सावंत यांनी भावपूर्ण श्रद्धांजली वाहिली.
विद्यापीठात असताना त्यांनी त्यांच्या विभागात अविस्वरणीय योगदान दिले व विभागाला एक उंची देण्यास मोलाचे योगदान दिले. प्रशिक्षक म्हणून ते खूप विद्यार्थीप्रिय होते.अत्यंत प्रांजळ व सुस्वभावी छगन चौगुले यांच्या जाण्याने विद्यापीठाची व महाराष्ट्राच्या लोककलेची खूप मोठी हानी झाल्याचे सावंत यांनी सांगितले. आतापर्यंत त्यांनी अनेक गाणी गायली आहेत. मात्र त्यांना 'नवरी नटली' या गाण्याने महाराष्ट्राच्या कानाकोपऱ्यात नेले होते. आज सकाळी सेव्हन हिल्स रुग्णालयात कोरोनामुळे त्यांचे निधन झाले. त्यांच्या अचानक जाण्याने लोककला क्षेत्राची मोठी हानी झाली असल्याचे सावंत यांनी सांगितले. ईश्वर त्यांच्या आत्म्यास शांती देवो.
डॉ अरुण सावंत, माजी प्र कुलगुरू,मुंबई विद्यापीठ
कोणत्याही टिप्पण्‍या नाहीत:
टिप्पणी पोस्ट करा